Drejtori i Institutit të Kosovës për Drejtësi, Ehat Miftaraj, ka shpërndarë në profilin e tij në Facebook, një deklaratë të KESCO-së, ku thuhet se do të ketë mungesë të theksuar të prodhimit vendor të energjisë elektrike që pritet të ndodhë nesër dhe në ditët në vijim.
Miftaraj, për këtë deklaratë, ka thënë se kjo është një gjë shumë e keqe për kosovarët.
“Lajm tepër i keq për qytetaret. Parajse financiare për tregtarët e rrymës nga pushteti”, u shpreh i njëjti.
Poashtu, ai kërkoi nga ministrja e Ekonomisë, Artane Rizvanolli, që të japë dorëheqje.
“Ministre Rizvanolli nëse kjo ndodh, nesër ne ora 8 në mëngjes ofrimi i dorëheqjes do ishte minimumi nëse ke pak etike dhe integritet”.