Presidenti amerikan, Donald Trump, ka thënë se është e vështirë për t’i kërkuar Izraelit t’i ndalojë sulmet ajrore ndaj Iranit.
Trump u shpreh se po angazhohet për një zgjidhje diplomatike për t’i dhënë fund konfliktit, por sipas tij, një kërkesë e tillë do të ishte e vështirë duke marrë parasysh sukseset ushtarake të Izraelit.
“Mendoj se është shumë e vështirë ta bësh një kërkesë të tillë tani, nëse dikush po fiton. Dhe, është akoma më e vështirë ta bësh këtë kur dikush është duke humbur. Por ne jemi gati, të gatshëm dhe të aftë. Kemi folur me Iranin dhe do të shohim se çfarë do të ndodhë”, tha Trump, shkruan CNN, transmeton Klankosova.tv.
Trump hodhi poshtë përpjekjet evropiane për t’u angazhuar diplomatikisht me Iranin, duke thënë se ato nuk kishin ndihmuar përpjekjet për t’i dhënë fund konfliktit.
“Ato nuk ndihmuan. Irani nuk dëshiron të flasë me Evropën. Ata duan të flasin me ne. Evropa nuk do të mund të ndihmojë në këtë rast”, tha ai.