Ministrja në detyrë e Ekonomisë, Artane Rizvanolli, nuk dha përgjigje konkrete për një sërë pyetjesh teknike lidhur me furnizimin me energji elektrike, gjatë një konference për media të mbajtur sot, raporton Ekonomia Online.
E pyetur për tenderët, sasinë e naftës së shpenzuar për funksionalizimin e blloqeve të termocentralit dhe për kostot aktuale të importit të rrymës, Rizvanolli i referoi gazetarët te KEK-u, KEDS-i dhe KOSTT-i.
“Për informata të sakta, më duhet të ju referoj te KOSTT-i…te KEK-u, te KEDS-i.Faleminderit shumë për pyetjet, por këto janë pyetje që duhet t’i drejtoheni KEK-ut. Nuk kam çka të shtoj për këtë, faleminderit” – thotë ajo.
Ndërkohë, lidhur me një pamje të publikuar nga Sindikata e Re e KEK-ut ku shihet një punëtor në kushte të rënda pune, Rizvanolli tha se nuk ka informacione për rastin dhe se për këtë duhet pyetur KEK-u.
“Nuk i kam këto informata nëse cilido punëtor është punëtor i KEK-ut apo jo, apo ndonjë informatë tjetër që kanë të bëjnë me procedurat ose veshjen ose pajisjet e punëtorëve në KEK, ju inkurajoj për këtë të pyesni KEK-un. Jam falënderuese për punën dhe angazhimi që bëhet në KEK, që me krejt vjetësinë që kanë të mbesin në punë”, tha ajo.