Kryeministri në detyrë, Albin Kurti, përgëzoi institucionet shtetërore për reagimin e shpejtë dhe profesional.
“Konfirmimi se ky kërcënim e ka origjinën në Serbi dëshmon edhe një herë luftën aktive hibride të Serbisë ndaj vendit tonë”, shkroi në Facebook Kurti.
Ky reagim vjen pas deklaratës së ministrit të brendshëm në detyrë Xhelal Sveçla se kërcënimi për bombë ndaj Kuvendit të Republikës së Kosovës është konfrimiar nga institucionet relevante të sigurisë se ka origjinën në Serbi.
“Numri i telefonit nga i cili është bërë kërcënimi është i regjistruar në Serbi dhe i përket kompanisë telefonike MTS.
Shfrytëzuesi i numrit ka qenë ose është shtetasi serb Lazar Živković. Në disa profile të lidhura me këtë numër është gjetur fotografia e kriminelit të luftës Ratko Mladić”, shkroi më parë në Facebook, Sveçla.