Prokuroria Themelore në Pejë, në bashkëpunim me Njësitin Antidrogë të Policisë së Kosovës në Pejë, ka zhvilluar një bastisje në kuadër të një aksioni kundër narkotikëve.
Zëdhënësi i Prokurorisë, Shkodran Nikçi ka konfirmuar për “Betimi për Drejtësi” e gjatë bastisjes është gjetur dhe sekuestruar rreth një kilogram substancë narkotike, si dhe dy armë zjarri.
“I dyshuari aktualisht gjendet në arrati. Policia është duke ndërmarrë veprimet e nevojshme për lokalizimin dhe arrestimin e tij”, tha Nikçi për “Betimi për Drejtësi”.
Prokuroria ka konfirmuar se hetimet po vazhdojnë dhe se veprimet tjera do ndërmerren sipas procedurave ligjore në fuqi.