Hotel Kimberly në Manhattan, i vendosur në Lexington Avenue, ku po qëndron Presidentja e Kosovës, Vjosa Osmani, është përfshirë nga flakët pak më parë. Fatmirësisht, është konfirmuar se Presidentja Osmani është mirë dhe jashtë çdo rreziku.
Detajet rreth shkakut të zjarrit dhe shkallës së dëmeve janë ende të paqarta, ndërsa ekipet e zjarrfikësve kanë mbërritur në vendngjarje.
Presidentja Osmani ishte planifikuar të qëndronte në Hotel Kimberly deri të hënën. Ende nuk ka informacion nëse ajo do të vazhdojë qëndrimin e saj atje pas kësaj ngjarjeje. DTV Media do të vazhdojë të ndjekë nga afër zhvillimet dhe do t’ju sjellë më shumë detaje sapo të bëhen të ditura.