Komuna e Vushtrrisë hapi zyrtarisht edicionin e radhës të “Ditëve të Diasporës”, në një atmosferë festive në sheshin “Adem Jashari”, raporton Ekonomia Online.
Me këtë aktivitet, nga komuna kanë thënë se po shprehin mirënjohjen dhe lidhjen e ngushtë me bashkatdhetarët që jetojnë jashtë vendit.
Në hapje morën pjesë qytetarë të shumtë dhe përfaqësues të institucioneve lokale, ndërsa programi artistik nisi me performanca të emrave të njohur të muzikës shqiptare.
Aktivitetet do të vazhdojnë deri më 27 korrik dhe do të përfshijnë programe kulturore, artistike dhe sociale për nder të diasporës. Kryetari i Komunës, Ferit Idrizi, uroi mirëseardhje bashkatdhetarëve dhe i ftoi të bashkohen në këtë festë të përbashkët për qytetin.
