Gazetari Lirim Mehmetaj ka zbuluar një manipulim të rëndë të bërë nga Lëvizja Vetëvendosje në mënyrën se si ka paraqitur operacionin e fundit në veri të vendit.
Sipas Mehmetajt, fotografia e shpërndarë nga Vetëvendosje për operacionin në Liqenin e Ujmanit është modifikuar nga ajo është hequr një automjet i KFOR-it për t’ia lënë skenën ekskluzivisht Forcës së Sigurisë së Kosovës (FSK).
“Ka qenë një ndërhyrje e përbashkët me KFOR-in, por nga fotografia që ka shpërndarë Vetëvendosje është hequr automjeti i tyre, që të duket sikur operacioni është kryer vetëm nga FSK-ja”, ka zbuluar Mehmetaj.