Pas vendimit të fundit të Departamentit për Çështje Administrative që ndalon zbatimin e një vendimi të Zyrës së Rregullatorit për Energji (ZRRE), Oda Ekonomike Amerikane në Kosovë ka kërkuar shfuqizimin e plotë të vendimit të kontestuar për liberalizimin në sektorin e energjisë.
Oda thekson se procesi ka munguar në transparencë dhe ka krijuar pasiguri ligjore për bizneset. Ajo bën thirrje për një dialog gjithëpërfshirës mes institucioneve dhe komunitetit të biznesit për të siguruar reforma të qëndrueshme dhe të drejta në sektorë kritikë si energjia.