Një ngjarje tragjike ka ndodhur ditën e djeshme në fshatin Baicë të Lipjanit, ku në një arë me misër është gjetur trupi i pajetë i Enver Bajraktarit, i cili ishte shpallur i zhdukur gjatë së dielës nga familja.
Dyshimet e para janë se ai është vrarë nga dikush e më pas varrosur aty, një kilometër përtej shtëpisë së tij.
Ky rast i rëndë, është trajtuar sot në emisionin Kosova Today në Klan Kosova, për të cilin gazetarja e këtij mediumi ka raportuar nga vendi i ngjarjes.
Ajo tha se viktima para 10 vjetësh kishte pasur një problem për tokë, por që ishin zgjidhur.
“Problemet me tokën kishin ekzistuar para 10 vjetëve me disa të afërm, por siç na njoftuan ato janë zgjidhur, në besë, pra ishin çështje bese dhe kishin vendosur që kjo çështje që të merr fund”, deklaroi gazetarja.