Një punëtor i ndërmarrjes “Trepça” është lënduar të hënën gjatë montimit të një gome të makinës vetëngarkuese me ajër të komprimuar me të cilën bëhet bartja e xehes.
Punëtori është jashtë rrezikut për jetën dhe po trajtohet në Qendrën Klinike Universitare të Kosovës.
Rasti ka ndodhur në mbrëmje në njësinë biznesore në Stan Tërg.
Ndërkohë nga menaxhmenti kanë thënë se punëtori i elektromakinerisë është lënduar gjatë riparimit të kokëzës së rrotës së vetëngarkuesit.
Në vendin e ngjarjes ka dalë komisioni i brendshëm i “Trepçës” dhe Inspektorati i Komisionit të Pavarur për Miniera e Minerale (KPMM), që pritet të dalin me raport zyrtar për situatën e krijuar dhe shkaqet që çuan te incidenti.
Zyrtarë të menaxhmentit kanë thënë se ndërmarrja në vazhdimësi “ka marrë të gjitha masat që lëndimet e tilla dhe të natyrave të tjera të jenë sa më të rralla”.