Debat i tensionuar është zhvilluar në emisioninDebat Plusmes gazetarit Lirim Mehmetaj dhe analistit Kujtim Zebica.
Përplasja nisi pasi Mehmetaj e akuzoi Zebicën për afërsi me pushtetin dhe me Lëvizjen Vetëvendosje, duke shtuar se ai nuk ka ngritur zërin kundër korrupsionit gjatë katër viteve të qeverisjes Kurti.
Zebica iu kundërpërgjigj duke thënë se Mehmetaj është në anën e nënkryetarit të Skenderajt, Sami Lushtaku.
“I kemi të ndara taboret, ti je me Sami Lushtakun, unë jam me Albin Kurtin,” u shpreh ai.Mehmetaj e mohoi këtë afërsi politike.
“Unë s’jam me askënd. Vlerat e lirisë i respektoj dhe i nderoj… Nëse duhet të zgjedh mes dikujt që ka marrë armën për liri dhe tjetrit që ka thënë se s’e merr kurrë, unë jam me të parin”.
Ai e quajti Zebicën “servil të pushtetit” dhe e akuzoi se nuk ka pasur guxim të kritikojë zyrtarë të Vetëvendosjes, përfshirë Mimoza Kusarin, pas bisedës me terroristin Milan Radoiçiçin.