Kandidati për deputet nga radhët e Koalicionit për Familjen, Selim Pacolli, është zotuar se në mandatin e tij nuk do të lejojë shkelje të të drejtave të veteranëve.
Pacolli së bashku me anëtarët tjerë të këtij koalicionit kanë vizituar sot zyrat e OVL të UÇK-së ku janë pritur nga kryetari i sapo zgjedhur, Hysni Gucati.
Pacolli ka thënë se kategoritë e veteranëve, invalidëve dhe familjeve të dëshmorëve do të mbrohen me ligj.
“Nesër si deputet të Parlamentit të Republikës, nuk do të lejojmë shkeljen dhe nëpërkëmbjen e të drejtave të Veteranëve, Invalidëve dhe Familjeve të Dëshmorëve.
Këto kategori do të mbrohen me ligj! Për Familjen bashkë me ju!”, thuhet në postimin e tij.