Ish-shefi i AKI-së, Burim Ramadani, ka kërkuar masa urgjente shtetërore kundër Jana Arsovska, bashkautoren e artikullit ku ofendohet UÇK-ja, në të cilin i përfshirë është edhe kryetari aktual i Kuvendit, Dimal Basha.
Duke i cilësuar si kërcënim për sigurinë kombëtare, ai ka bërë thirrje që Arsovska të shpallet person non grata dhe bashkëpunëtorët e saj të përjashtohen përfundimisht nga skena publike shqiptare, transmeton klankosova.tv.
”Pse s’po ju dëgjohet zëri rreth propagandistes agresive Jana ARSOVSKA?
Lufta Hibride nga Jana Arsvoksa dhe të ngjashmit e saj duhet të merr goditje shtetërore të menjëhershme!
Reagimi shtetëror duhet të kalojë motivet politike të brendshme, motivet grupore e partiake!
– Jana Arsovska DUHET të shpallet sa më shpejt Persona Non Grata!
– Bashkëpunëtorët e saj DUHET të largohen përjetësisht nga skena publike shqiptare!
Me Sigurinë Kombëtare nuk bëhet lojë!
Ajo nuk duhet të trajtohet varësisht nga konformiteti i pushtetit!
Mos harroni:
Në Siguri Kombëtare përgjegjësia është aq e madhe sa që edhe mosdija është tradhëti!”.