Një rast i vdekjes së dyshimtë është raportuar dje në qytetin e Pejës, ku një grua është gjetur pa shenja jete në një objekt të pabanuar.
Sipas informatave nga Policia e Kosovës, viktima është femër me shtetësi kosovare, ndërsa vdekja është konstatuar nga mjeku në vendin e ngjarjes.
Me vendim të Prokurorit të Shtetit, trupi i pajetë është dërguar në Institutin e Mjekësisë Ligjore (IML) në Prishtinë për obduksion, në mënyrë që të sqarohen rrethanat e plota të vdekjes.
Policia kanë nisur hetimet dhe janë në pritje të rezultateve mjeko-ligjore për të përcaktuar shkakun e saktë të vdekjes, si dhe për të verifikuar nëse bëhet fjalë për ndonjë element penal.