Fenomeni i momentit, seriali “Nusja me Shkollë”, po vazhdon të thyejë rekorde dhe të rrëmbejë zemrat e publikut. Episodi i 22-të, i publikuar vetëm 20 orë më parë, ka kaluar shifrën marramendëse të 200 mijë shikimeve, duke e kthyer në temën më të përfolur të rrjeteve sociale.
Publiku nuk po ngopet me ngjarjet e serialit, ndërsa komentet dhe shpërndarjet po shpërthejnë në internet. Shumë fansa thonë se çdo episod është më i fortë se tjetri dhe presin me padurim zhvillimet e ardhshme.
Ky sukses ka bërë që “Nusja me Shkollë” të renditet si një ndër prodhimet më të ndjekura shqiptare të vitit, duke arritur edhe diasporën, ku shikuesit e komentojnë si serialin që i mban më afër vendlindjes.
Me këtë ritëm, duket se seriali vetëm sa ka filluar suksesin e tij dhe episodet që vijnë pritet të thyejnë rekorde të reja!