Gjendja shëndetësore e aktorit legjendar të Hollivudit, Bruce Willis, po rëndohet gjithnjë e më shumë. Gruaja e tij, Emma Heming Willis, ka rrëfyer se po përpiqet t’i përgatisë vajzat e tyre për humbjen e pashmangshme të babait të tyre.
Willis, i cili vuan nga demenca frontotemporale (FTD), tashmë jeton i ndarë nga familja, në një shtëpi tjetër, për shkak të përkeqësimit të gjendjes. Heming ka treguar në librin e saj të ri për kujdesin ndaj aktorit 70-vjeçar se ky vendim u mor që vajzat Mabel (13) dhe Evelyn (11) të mund të përshtaten gradualisht me realitetin e vështirë.
Historia prekëse ka prekur fansa në mbarë botën, të cilët vazhdojnë të dërgojnë mesazhe mbështetjeje për familjen Willis, teksa aktori i “Die Hard” përballet me një nga sfidat më të mëdha të jetës së tij.