Kandidati i LDK-së për kryetar të Komunës së Rahovecit, Burim Krasniqi, ka premtuar se veprimi i tij i parë pas marrjes së detyrës do të jetë rikthimi i qendrës së vjetër të qytetit.
Në një postim në Facebook, Krasniqi ka thënë se ky projekt do të përfshijë rrethin dhe fontanën, duke e konsideruar si një hap të domosdoshëm për ruajtjen e identitetit të qytetit.
“Qendra e Rahovecit është zemra e qytetit tonë. Bashkë e kthejmë zemrën e Rahovecit në vend ku secili ndihet mirëpritur,” ka shkruar Krasniqi.
Ai ka theksuar se synimi i tij është t’i japë Rahovecit një qendër funksionale, gjallëruese dhe që do të jetë krenari për të gjithë qytetarët e komunës.
#HajdemeBurimin #LDK