Kryeministri shqiptar Edi Rama, ka shprehur mbështetje të fuqishme për ish-krerët e UÇK-së në Hagë, duke ndarë dëshminë tronditëse të James Rubin që sipas tij, zbardh padrejtësinë ndaj atyre që sollën lirinë.
“LIRIA KA EMËR AL KS”, shkruan Rama ndër tjera në një dedikim ku këtë proces e quan shtangës që ka njollosur drejtësisë ndërkombëtare.
”Nga dëshmia e ish-Ndihmës Sekretarit amerikan të Shtetit, James Rubin, në Hagë ku një proces shtangës ka njollosur keq drejtësinë ndërkombëtare…”
Ai ka ndarë specifikisht një sekuencë, ku Rubin fliste me shqetësim se pavarësisht që është vetëm i akuzuar dhe vetofroi të paraqitej në gjykatë, ish-presidenti Hashim Thaçi po mbahet i burgosur për pesë vite për shkak të ndërhyrjes së politikës në sundim të ligjit.
”Fakti që i akuzuari ka qenë në burg për 5 vite, pasi vetëofroi të paraqitej në gjykatë në një kohë kur ishte gati të bënte një marrëveshje paqeje, me udhëheqësin serb, më shqetësoi. Që politika të ndërhyjë në sundimin e ligjit, kjo më shqetëson”, shprehej sot Rubin.