Profesori i filozofisë, Blerim Latifi ka paralajmëruar se Kosova është duke rënë në humnerë diplomatike, pas vendimit të Shteteve të Bashkuara të Amerikës për nisjen e një Dialogu Strategjik me Serbinë.
Latifi ka reaguar pas paralajmërimit të sekretarit amerikan Marco Rubio për nisjen e një Dialogu Strategjik me ShBA-së dhe Serbisë
Përkundër këtyre zhvillimeve, profesori universitar ka deklaruar se në Kosovë askujt nuk po i bëjnë përshtypje këto ndodhi, e për krejt këta ka fajësuar “anestezionin antiperëndimor”.
“Kosovës i është hequr dialogu strategjik me SHBA-në, ndërkohë që nga takimi në New York i sekretarit amerikan Marco Rubio me Vuçiqin paralajmërohet nisja e dialogut strategjik mes SHBA-së dhe Serbisë. Këto dy zhvillime mjaftojnë për të parë humnerën diplomatike në të cilën jemi duke ra. Dhe ndërsa kjo po ndodh, apatia jonë është e plotë. Arsyeja është e qartë: anestezioni antiperëndimor, i injektuar për vite me radhë në trupin e kësaj shoqërie, ka krijuar atë lloj pandjeshmërie, e cila bën që edhe po të shembet e tëra ngrehina shtetërore, askujt të mos i bëjë përshtypje”, thuhet në postimin e tij në Facebook.
Vetëm pak ditë më parë Shtetet e Bashkuara të Amerikës njoftuan për pezullimin e Dialogut Strategjik me Kosovën.
Ky vendim i Shteteve të Bashkuara të Amerikës thuhej se është marrë për shkak të veprimeve të kryeministrit në detyrë, Albin Kurti.