Kryetari i Komunës së Suharekës, Bali Muharremaj, ka shprehur mbështetje të hapur për kandidatin për Asamblenë Komunale, Zgjim Gashin, nga fshati Leshan.
Muharremaj ka theksuar se rinia është forca kryesore e ndryshimit dhe zhvillimit në Suharekë, duke e cilësuar Gashin si një përfaqësues të denjë të gjeneratës së re, i cili gëzon mbështetje të fuqishme nga familja dhe bashkëfshatarët e tij.
“Zgjimi është dëshmi se rinia është shpresa e së ardhmes. Përmes përkushtimit dhe energjisë së tij, ai do të sjellë frymë të re në Asamble dhe do të punojë për të mirën e qytetarëve tanë,” ka thënë Muharremaj.
Zgjim Gashi garon me numrin 174, duke përfaqësuar zërin e të rinjve në këtë garë zgjedhore.