Kryetari aktual i Komunës së Suharekës, Bali Muharremaj, ndodhet në garë edhe për një mandat tjetër qeverisës në këtë komunë.
Me logon e AAK-së, Muharremaj do të kërkojë për herë të tretë besimin e qytetarëve të Suharekës për një tjetër mandat.
Muharremaj ka listuar 11 premtimet që do t’i realizojë në mandatin e ardhshëm.
Në këtë listë përfshihen investime milionëshe, siç është ndërtimi i stadiumit të qytetit, ndërtimi i pishinës gjysmëolimpike, stacioni i autobusëve, çerdhe e shumë projekte tjera.
“Në mandatin e radhës kam përfshirë gjithsej 11 premtime dhe do t’iu qëndroj pas atyre”, deklaroi Muharremaj.
Këto janë 11 premtimet e Bali Muharremajt për mandatin e ardhshëm:
Ndërtimi i stacioni të autobusëve me 400 parkingje nëntokësore
Ndërtimi i pishinës gjysmë-olimpike
Renovimi i shkollës 7 marsi
Ndërtimi i objektit të zjarrfikësve me vlerë 850 mijë euro
Ndërtimi i objekti të ri të Eko – Therandës
Shërbimi griatik
Ndërtimi i çerdhes së radhës në qytet për 140 nxënës
Ndërtimi i çerdhes në fshatin Bllacë
Fshati turistik
Stadiumi i qytetit
Fizibiliteti i ngrohjes qendrore të qytetit.