Kandidati i AAK-së për kryetar të Komunës së Rahovecit, Smajl Latifi, ka zhvilluar sot një takim me qytetarët e Nëndegës III, ku ka prezantuar projektet qeverisëse për mandatin e ardhshëm.
Latifi tha se edhe në këtë garë zgjedhore do të qëndrojë pas premtimeve reale dhe të realizueshme, duke theksuar se puna për Rahovecin nuk do të ndalet.
“Mbajtëm fjalën dhe kryem punët tona, por puna për Rahovecin nuk ndalet. Në këtë takim, edhe një herë premtuam vetëm atë që mundemi dhe do ta bëjmë bashkërisht me qytetarët tanë”, u shpreh Latifi.
Në këtë takim morën pjesë edhe kandidatët për Kuvendin e Komunës nga radhët e AAK-së: Sabrije Vuçitërna, Blerina Hajda, Mentor Veliu dhe Fitim Haxhimustafa, të cilët paraqitën idetë dhe vizionin e tyre për zhvillimin e Rahovecit.
Latifi përsëriti moton e tij zgjedhore, duke shtuar se puna dhe përkushtimi për qytetarët do të jenë prioritet i pandalshëm.