Kandidati i LDK-së për kryetar të Gjilanit, Arbër Ismajli, ka zhvilluar një takim me të rinjtë e Lagjes VIII, së bashku me kandidatin për Kuvendin Komunal, Fahredin Hajdari.
Ismajli tha se rinia gjilanase është e mbushur me ide, guxim dhe dashuri për qytetin, por sipas tij, ka munguar mbështetja institucionale.
“Bashkëbiseduam për sfidat që kanë të rinjtë sot, për mungesën e hapësirave të tyre nga pushteti aktual, për mundësitë e punësimit dhe për rolin që ata duhet ta kenë në vendimmarrje në qeverisjen e ardhshme”, u shpreh Ismajli në një postim në rrjetet sociale.
Ai theksoi se çdo hap i qeverisjes së ardhshme do të ketë rininë në qendër, me projekte konkrete, hapësira të reja dhe mbështetje të vazhdueshme.
“Jemi besatuar fuqishëm se pa rininë, ndryshimi nuk ka asnjë kuptim. Keqqeverisja do të marrë fund njëherë e përgjithmonë në Gjilan”, ka shtuar Ismajli.