Kandidati i AAK-së për kryetar të Rahovecit, Smajl Latifi, ka thënë se bashkë me ekipin e tij i kanë dhënë fjalën qytetarëve të Dejnit për punët e shumta që do të realizohen në këtë fshat.
Ai ka theksuar se banorët e Dejnit u kanë dhënë mbështetjen për zgjedhjet e 12 tetorit, duke u rreshtuar pas konceptit dhe kandidatit të AAK-së për Kuvendin e Komunës, Afrim Berisha.
“Dejnit ia dhamë fjalën që do ta mbajmë për punët e shumta që do t’i bëjmë, e na e dha fjalën për mbështetje më 12 tetor, konceptit tonë e kandidatit tonë për Kuvendin e Komunës, Afrim Berisha. Jemi opsioni më serioz, që premton, analizon e zbaton. Me ne, Puna Nuk Ndalet”, tha Latifi.
Ai ka theksuar se fitorja e AAK-së në Rahovec është garanci për zhvillim, projekte konkrete dhe përfaqësim dinjitoz të qytetarëve.
#174
#PunaNukNdalet