Në Ditën Botërore të Personave të Moshuar, kandidati i AAK-së për kryetar të Komunës së Rahovecit, Smajl Latifi, mori pjesë në një diskutim të organizuar nga Shoqata “Hareja”, kushtuar qytetarëve të moshuar.
Gjatë takimit u prezantua projekti “Fuqizimi i grave të moshuara, provimi i shëndetit, tejkalimi i vetmisë”, ndërsa Latifi theksoi se kujdesi ndaj të moshuarve është detyrë dhe obligim i brezit të sotëm.
“Ne nuk duhet t’i lëmë të moshuarit tanë pa përkujdesje e në vetmi. Nevojiten veprime dydimensionale – si në aspektin ekonomik, ashtu edhe në atë social”, u shpreh ai.
Latifi rikujtoi se programi i tij qeverisës parasheh masa konkrete për të moshuarit, gratë dhe ata pa përkujdesje shoqërore, si:
-
subvencionim të qirasë për të moshuarit pa strehim,
-
ofrimin e banesave për ata që jetojnë në kushte të rënda ekonomike,
-
përkujdesje periodike në bashkëpunim me organizata të ndryshme sociale.
Në fund, Latifi falënderoi Shoqatën “Hareja” për ftesën dhe për shtjellimin profesional të kësaj teme me rëndësi për shoqërinë.