Kandidati i Aleancës për Ardhmërinë e Kosovës (AAK) për kryetar të Rahovecit, Smajl Latifi, ka theksuar se puna e tij dhe e ekipit të tij ka dhënë rezultate të prekshme dhe se procesi i zhvillimit nuk do të ndalet.
Në një intervistë në emisionin Pressing, Latifi ka prezantuar pikat kryesore të programit të ri qeverisës, duke e cilësuar atë si ambicioz, të balancuar dhe plotësisht të zbatueshëm.
“Puna jonë jep rezultate dhe nuk ndalet. Programi ynë është i dizajnuar për ta çuar Rahovecin edhe më përpara, me projekte konkrete për qytetin dhe fshatrat, gjithmonë në shërbim të qytetarëve,” tha Latifi.
Me moton #PunaNukNdalet, ai ka shprehur bindjen se qytetarët e Rahovecit do të vazhdojnë ta mbështesin rrugën e zhvillimit që ka nisur.