Kandidati i Lidhjes Demokratike të Kosovës për kryetar të Rahovecit, Burim Krasniqi, ka prezantuar sot para banorëve të Ratkocit programin “Fshatrat Tona, Zemra Jonë”, i cili sjell projekte konkrete për zhvillimin e kësaj qendre të madhe të komunës.
Në fjalën e tij, Krasniqi tha se Ratkoci ka potencial të madh për zhvillim ekonomik dhe se me programin e tij synon të kthejë këtë vend në një hapësirë funksionale e moderne.
Ndër projektet që ai premtoi janë:
-
Ndërtimi i fushës së futbollit të KF Ratkoci dhe riaktivizimi i klubit sportiv
-
Ndërtimi i trotuareve dhe asfaltimi i rrugëve kryesore
-
Rregullimi i kanalizimit dhe vendosja e ndriçimit publik në të gjitha lagjet
-
Pastrimi i mbeturinave nën hekurudhë dhe përgjatë bregut të Drinit
-
Shtrimi me zhavorr i rrugëve fushore
-
Ndërtimi i Odës së fshatit dhe furnizimi i Qendrës së Mjekësisë Familjare me pajisje të reja
-
Vendosja e kamerave të sigurisë në objektet publike
“Faleminderit Ratkoc për mbështetjen dhe mikpritjen tuaj. Bashkë do t’i kthejmë këto projekte në realitet për një qendër moderne dhe në shërbim të qytetarëve të saj”, u shpreh Krasniqi.
🔹 Ai theksoi se LDK me programin “Rahoveci Përtej” do të ofrojë zhvillim të barabartë për çdo fshat dhe qytet të komunës.