Kryetari i Rahovecit dhe kandidati i AAK-së për mandatin e ri, Smajl Latifi, ka zhvilluar një takim me përfaqësuesit e OJQ-së Handikos dhe Kryqit të Kuq, në objektin e rinovuar që shërben për aktivitetet e këtyre organizatave.
Gjatë takimit, Latifi diskutoi për bashkëpunimet e realizuara deri më tani dhe projektet që do të vazhdojnë në shërbim të komunitetit, veçanërisht për personat me nevoja të veçanta.
Ai theksoi se si Handikos, ashtu edhe Kryqi i Kuq, kanë qenë gjithmonë pranë atyre që kanë më së shumti nevojë, dhe premtoi se gjatë mandatit të ri bashkëpunimi do të forcohet me mbështetje konkrete dhe projekte të reja.
“Ne do të jemi një mbështetje e fortë për ata që kanë më shumë nevojë për ndihmën tonë”, u shpreh Latifi, duke falënderuar përfaqësuesit e organizatave për punën e tyre të palodhur.