Kandidati i Aleancës për Ardhmërinë e Kosovës (AAK) për kryetar të Komunës së Rahovecit, Smajl Latifi, ka zhvilluar një takim me banorët e Krushës së Madhe, ku ka prezantuar programin e tij qeverisës si dhe kandidatët për asamble, Elda Hoti dhe Berat Duraku.
Latifi e cilësoi Krushën si fshatin e sakrificës, dhimbjes dhe krenarisë kombëtare, duke theksuar se AAK do të mbetet gjithmonë pranë banorëve të saj.
“Sonte edhe Krusha e Madhe na e konfirmoi se e përqafon konceptin tonë. Ne i mbajmë fjalët dhe i kryejmë punët tona, andaj do t’i dalim zot Krushës dhe kërkesave të krushjanëve, siç u kemi dalë gjithmonë”, u shpreh Latifi, duke falënderuar për pritjen e ngrohtë.