Kryetari aktual, njëherësh kandidati për kryetar të Suharekës, Bali Muharremaj, ka dërguar një mesazh për qytetarët përpara zgjedhjeve të 12 Tetorit, duke theksuar përkushtimin e tij dhe të ekipit të tij ndaj komunitetit.
Muharremaj tha se fitorja e qytetarëve është prioriteti kryesor dhe se pas zgjedhjeve, do të vazhdojnë të shërbejnë pa dallime, duke promovuar respekt dhe bashkëpunim.
“Ne nuk ofendojmë dhe nuk e urrejmë askend. E duam Suharekën me ❤️. Faleminderit miqëve dhe mbështetësve të kandidatit për asamble komunale Sedat Gashi,” tha Muharremaj.
Ai gjithashtu u bëri thirrje qytetarëve që të marrin pjesë në procesin zgjedhor dhe të kontribuojnë për një Suharekë më të zhvilluar dhe gjithëpërfshirëse.