Kandidati për kryetar të Komunës së Rahovecit nga Aleanca për Ardhmërinë e Kosovës (AAK), Smajl Latifi, ka zhvilluar sonte një takim me banorët e fshatit Fortesë, ku është pritur me mbështetje të madhe e entuziazëm.
“Fortesa na priti sonte! Me qartësi e vendosmëri në mbështetje të konceptit tonë, Fortesa është vërtetë fortesë që nuk lëkundet kur merr vendim,” ka deklaruar Latifi, duke vlerësuar lart besimin dhe përkrahjen e banorëve.
Ai ka theksuar se puna dhe përkushtimi i ekipit të AAK-së do të vazhdojnë me intensitet edhe më të madh, ndërsa mbështetja e fortë nga Fortesa është dëshmi e besimit qytetar për zhvillim e ndryshim pozitiv në Rahovec.
Besimin për punë me përkushtim e mori edhe kandidati për Kuvendin Komunal, Betim Popaj, i cili u mirëprit nga bashkëfshatarët si përfaqësues i denjë i komunitetit të tij.
“Puna nuk ndalet për Fortesën e Rahovecin,” përfundoi Latifi.