Kandidati për kryetar të komunës së Rahovecit nga radhët e Aleancës për Ardhmërinë e Kosovës (AAK), Smajl Latifi, ka vizituar sot kompaninë “Ree Plast” Sh.P.K, ku u prit nga pronari i saj, Ajet Mashuku.
Gjatë vizitës, z. Mashuku prezantoi ecurinë e punëve në kompani dhe njoftoi se “Ree Plast” prodhon 16 lloje të ndryshme të produkteve plastike, ndërsa një pjesë e prodhimtarisë së saj është e destinuar për eksport.
Kompania aktualisht punëson tetë punëtorë, duke dhënë kontribut të rëndësishëm në zhvillimin ekonomik të komunës dhe në përmbushjen e nevojave të konsumatorëve brenda dhe jashtë Rahovecit.
“Faleminderit për pritjen, Ajet! Ju uroj suksese të mëtejshme në aktivitetin tuaj sipërmarrës. Bizneset si ‘Ree Plast’ janë shembull i punës, përkushtimit dhe zhvillimit vendor,” u shpreh Smajl Latifi pas vizitës.