Gjatë tubimit me qytetarë dhe mbështetës në shkollën “Sadedin Hajda”, kandidati i AAK-së për kryetar të Komunës së Rahovecit, Smajl Latifi, shfrytëzoi rastin për të vizituar Klubin e Hendbollit “Rahoveci”, i cili po zhvillonte seancën stërvitore.
Latifi u takua me lojtarët dhe stafin e klubit, duke i përgëzuar për sukseset e arritura dhe për shpirtin garues që i karakterizon.
“Këta djem e vajza janë ambasadorët më të mirë të Rahovecit. Do t’i mbështesim gjithmonë, sepse sporti është pjesë e krenarisë sonë qytetare dhe motiv për gjeneratat e reja,” – tha Latifi.
Ai shtoi se sporti, veçanërisht hendbolli, do të ketë përkrahje të veçantë në programin e tij qeverisës, me synim përmirësimin e infrastrukturës sportive dhe krijimin e kushteve më të mira për të rinjtë.
Në fund, ai falënderoi stafin dhe hendbollistët për pritjen e ngrohtë dhe për frymën pozitive që përçojnë.
“Faleminderit për pritjen, stafit të klubit e hendbollistëve tanë inspirues. Krenar me ju!” – përfundoi Latifi.
🏐 #AAK #SmajlLatifi #Rahovec #Sporti #KH_Rahoveci #KrenarMeKampionët