Kandidati për kryetar të Komunës së Rahovecit nga Aleanca për Ardhmërinë e Kosovës (AAK), Smajl Latifi, ka marrë pjesë në ceremoninë e shënimit të 15-vjetorit të themelimit të Universitetit “Ukshin Hoti” në Prizren.
Në këtë ngjarje festive, bashkë me studentë, staf akademik, bashkëpunëtorë dhe personalitete të jetës arsimore e shkencore, u vlerësua rrugëtimi i universitetit që mban emrin e ideologut dhe patriotit të shquar nga Krusha e Madhe, Ukshin Hoti.
Latifi theksoi se Universiteti “Ukshin Hoti” po konsolidohet çdo ditë e çdo vit, duke rritur cilësinë akademike dhe vlerën arsimore, si dhe duke nxjerrë kuadro të afta që po kontribuojnë në sektorë të ndryshëm profesionalë, përfshirë edhe shumë të rinj nga Komuna e Rahovecit.
“Uroj drejtuesit e universitetit, stafin dhe studentët për suksese të pandalshme. Ky institucion është krenari për gjithë rajonin tonë,” – u shpreh Smajl Latifi.