Kandidati për kryetar të Komunës së Rahovecit nga Lidhja Demokratike e Kosovës (LDK), Burim Krasniqi, ka kujtuar sot me respekt e mirënjohje të thellë Presidentin historik të Kosovës, Dr. Ibrahim Rugova, duke theksuar se vizioni dhe ideali i tij mbeten busulla e zhvillimit dhe e ndryshimit demokratik në vend.
“Nuk ka fuqi që e ndal ndryshimin. Rruga e presidentit Dr. Ibrahim Rugova është rruga që Rahoveci e ndoqi nga kushtrimi për liri deri tani te përpjekja për ndryshim,” – u shpreh Krasniqi.
Ai theksoi se, ndonëse Rugova mungon fizikisht, ai mbetet përherë pranë nesh në idealin tonë politik, si frymë e paqes, urtësisë dhe përkushtimit ndaj shtetit të Kosovës.
“Lavdi presidentit historik, i cili e ndërtoi me vizion themelet e lirisë dhe demokracisë sonë.”
#BurimKrasniqi #LDK #Rahovec #DrIbrahimRugova #LavdiPresidentitHistorik #NdryshimiNukNdalet