Kandidati i Lidhjes Demokratike të Kosovës për kryetar të Komunës së Rahovecit, Burim Krasniqi, ka përcjellë një mesazh bashkimi dhe ndryshimi për qytetarët e Rahovecit, duke theksuar se vizioni i tij është të qeverisë për të gjithë, pa dallime partiake.
“Do të jem kryetar i të gjithëve pa dallim partie politike. Do të bashkëpunoj me të gjithë, për të mirën e Komunës së Rahovecit,” – ka deklaruar Krasniqi.
Ai ka theksuar se Rahoveci meriton një mundësi të re për t’u qeverisur me përgjegjësi dhe me vizion zhvillimor:
“Komuna e Rahovecit meriton një shansë të ri, të qeveriset nga dikush tjetër.”
Në takimet e shumta me qytetarë, Burim Krasniqi është shprehur mirënjohës për përkrahjen dhe besimin që po i jepet:
“Rahoveci i madh dhe i mrekullueshëm – ju faleminderit për takimet që i bëmë. Ndihem sot politikisht i përmbushur falë jush. Ju çmoj dhe ju falënderoj përherë.”
Në përmbyllje të mesazhit të tij, kandidati i LDK-së ka bërë thirrje për mobilizim më 12 tetor, duke e cilësuar atë si ditën e ndryshimit për Rahovecin:
“Momenti për ndryshim ka ardhur. 12 Tetori është dita e Rahovecit.”
📅 #RahoveciPërtej | #LDK113 | #BurimKrasniqi