Kandidati i Aleancës për Ardhmërinë e Kosovës (AAK) për kryetar të Komunës së Rahovecit, Smajl Latifi, ka bërë thirrje qytetarëve që nesër në mëngjes të dalin masivisht për të votuar listën e AAK-së dhe numrin 174.
Latifi ka theksuar se koncepti i tij politik dhe qeverisës bazohet në punë të vazhdueshme, rezultate të prekshme dhe transparencë ndaj qytetarëve.
“Të dashur qytetarë, nesër në mëngjes dilni dhe votoni numrin 174 dhe një nga 30 kandidatët tanë për Kuvendin Komunal! Puna Nuk Ndalet është koncepti i punës, i rezultateve, i transparencës, i llogaridhënies dhe i premtimeve të mbajtura. Nesër festojmë së bashku, ndërsa pasnesër vazhdon puna e shërbimi, me program të ri e me projekte të reja për Rahovecin tonë. Faleminderit për mbështetjen dhe për besimin!”, ka deklaruar Latifi.
AAK në Rahovec ka zhvilluar një fushatë dinamike, me fokus në zhvillimin ekonomik, përmirësimin e infrastrukturës dhe fuqizimin e rinisë lokale.