Numri i protestuesve vazhdon të shtohet në sheshin “Skënderbej” para fillimit të protestës së madhe në mbështetje të ish-krerëve të Ushtrisë Çlirimtare të Kosovës në Tiranë.
Pamjet e KosovaPress-it tregojnë atmosferën, e cila po mbretëron në kryeqytetin shqiptar.
Në ora 17:00, në organizim të shoqatave të dala nga lufta e UÇK-së do të nisë protesta në mbështetje të Hashim Thaçit, Kadri Veselit, Jakup Krasniqit dhe Rexhep Selimit, të cilët po mbahen në paraburgim në Hagë që nga viti 2020.
Një numër i madh i autobusëve janë nisur sot nga Kosova drejt kryeqytetit shqiptar. Protesta të ngjashme në mbështetje të ish-krerëve të UÇK-së janë mbajtur sivjet edhe në Prishtinë dhe Hagë.