Kryeministri në detyrë i Kosovës, Albin Kurti, është parë të shtunën në Tiranë, ku ka marrë pjesë në homazhet për vdekjen e ish-kryeministrit të Shqipërisë, Fatos Nano.
Homazhet po mbahen në Pallatin e Kongreseve.
Në ditën kur Nano ndërroi jetë, Kurti përmes një postimi në Facebook e vlerësoi atë si “një figurë qendrore të tranzicionit politik shqiptar dhe një emër që do të mbetet i pashlyeshëm në historinë e përbashkët të Shqipërisë dhe Kosovës.”