Ferit Idrizi: “Fitorja po afrohet – faleminderit për besimin dhe përkrahjen e palëkundur!”

Kandidati i PDK-së për kryetar të Komunës së Vushtrrisë, Ferit Idrizi, ka zhvilluar një takim të përbashkët me banorët e fshatrave Novolan, Brusnik dhe Kollë, ku është pritur me entuziazëm dhe përkrahje të madhe nga qytetarët. “Sot në takim të përbashkët me banorët e Novolanit, Brusnikut dhe Kollës, ndamë një mbrëmje të jashtëzakonshme plot energji, përkrahje dhe besim për fitoren që po afrohet,” ka shkruar Idrizi. Ai ka theksuar se gjatë këtij mandati janë realizuar shumë projekte të rëndësishme dhe se në mandatin e ardhshëm do të sjellë zhvillim të mëtejshëm në çdo pjesë të komunës. “Bashkë biseduam për punët e realizuara dhe për projektet e reja që do të sjellin zhvillim të mëtejshëm në secilën pjesë të Vushtrrisë tonë. Faleminderit për mikpritjen, përkrahjen dhe për besimin e palëkundur!”, ka përfunduar Idrizi. 🔹 PDK po vazhdon fushatën në terren me mesazhin e bashkimit dhe zhvillimit, ndërsa Ferit Idrizi ka marrë mbështetje të madhe nga qytetarët në takimet e fundit.