Kryetari i Lidhjes Demokratike të Kosovës, Lumir Abdixhiku, sot tha se sa më shpejtë të ndalet konsumimi i ditëve aq më shpejt zgjidhet sipas tij kriza politike në vend.
I pari i LDK-së, në konferencës e sotme për media u shpreh shumë i sigurtë se nuk ka rrugë tjetër pos zgjedhjeve.
Sipas tij, zgjidhja e vetme janë zgjedhjet.
“Sa ma herët që Glauk Konjufca dhe VV-ja e ndërprenë konsumimin e ditëve, aq më shpejt zgjidhet kriza, vjen qeveria e re, buxheti i ri dhe aq më shpejt vjen legjitimiteti i qytetarëve. LDK bën thirrje që të sillemi vetëm një herë të përgjegjshëm për Republikën. Zgjidhja e vetme janë zgjedhjet e reja.”, u shpreh Abdixhiku.
E sipas tij, ndër të tjera u shpreh se vonesa në këtë drejtim është taktikë politike, sa e trisht ashtu edhe pa konsideratë për Republikën e Kosovës dhe të ardhmen që e pret popullin.