Kandidati i AAK-së për kryetar të Suharekës, Bali Muharremaj, ka dërguar një mesazh qetësie dhe motivimi për qytetarët në prag të zgjedhjeve. Ai ka bërë thirrje që përkrahësit e tij të reagojnë me dinjitet dhe me mënyrën më të mirë të demokracisë – votën.
“Ju kuptoj. Po habiteni edhe ju me urrejtjen e tyre. Duroni edhe pak e përgjigjuni me VOTË të dielën. Me mënyrën e vetme të demokracisë. Me mënyrën e vetme të së ardhmes. Ndërkohë ju falënderoj secilin për përkrahjen dhe mbështetjen. Tregoni të ardhmes shembullin e mirë të punës”, ka shkruar Muharremaj.
Ai ka shtuar se beson në vlerat e bashkimit dhe në fuqinë e qytetarëve për të vendosur drejt për të ardhmen e Suharekës.