Kandidati i AAK-së për kryetar të Rahovecit, Smajl Latifi, ka falënderuar qytetarët për mbështetjen e madhe gjatë fushatës zgjedhore. Ai ka premtuar se besimin e dhënë do ta kthejë me punë konkrete dhe projekte të mëdha që do të transformojnë çdo vendbanim e lagje të komunës.
“Faleminderit Rahovec! Besimin e mbështetjen e parezervë që ma dhatë në këtë fushatë, do ta kthej me punë, rezultate e projekte të mëdha që do ta transformojnë secilin vendbanim e lagje të komunës sonë. Më 9 nëntor votojmë së bashku numrin 174! Për punë që nuk ndalet e për Rahovecin që ecën përpara, duke mos lënë askënd prapa! Shihemi në festën e fitores!”, ka shkruar Latifi.