Deputeti i Lidhjes Demokratike të Kosovës, Arben Gashi, ka thënë se tani që përfunduan zgjedhjet lokale, fokusi duhet të kthehet tek niveli nacional, meqë vendi ka ngecur.
Ai beson se zgjidhja e vetme reale janë zgjedhjet e përgjithshme, të cilat ka kërkuar që të mbahen sa më shpejt.
“Kosova nuk mund të ecë më me improvizime e pa drejtim. Zgjedhjet e përgjithshme janë zgjidhja e vetme reale për ta rikthyer besimin dhe funksionalitetin institucional. Le t’i mbajmë sa më shpejt, që Kosova të ketë qeveri që udhëheq, institucione që punojnë dhe politika që zhvillojnë. Kosova ka nevojë për drejtim. Dhe ky drejtim duhet të fillojë tani”, ka shkruar Gashi.
Ndryshe, Presidentja Vjosa Osmani e ka mandatuar Glauk Konjufcën nga VV për krijimin e Qeverisë së re. Ai ka afat edhe 10 ditë për këtë.