Daut Haradinaj, deputet nga radhët e Aleancës për Ardhmërinë e Kosovës, tha se partia e tij nuk e ka penguar asnjë koalicion me VV-në, sepse AAK ka vendim që përgjegjësia për marrëveshje në nivel lokal kalon direkt tek kryetari i degës.
Por ai shton se marrëveshjet në nivel lokal nuk kanë të bëjnë me atë qendror.
“Ne e kemi pozicionin të qartë edhe sot, nuk kemi arsye me ndërru qëndrimin se nuk na është ofru kompromois se çka dojmë me bë tash e tutje, jemi në të njëjta pozicione. Po i shoh disa zëra që po qarkullojnë, por nuk ka të bëj asgjë me nivelin qendror”, tha Haradinaj.
Ai shtoi se marrëveshjet kanë qenë krejt publike, pasi morën ndihmë në Junik nga VV, dhe e ndihmuan Vetëvendosjen në Fushë Kosovë.