Memli Krasniqi sot ka dhënë dorëheqjej nga pozita e kryetarit të PDK-së. E pas kësaj ka reaguar dhe deputetja nga radhët e PDK-së Ganimete Musliu.
Musliu ka thënë se në një përiudhë kur Partia Demokratike e Kosovës u ballafaqua me sfidat më të mëdha, Memli Krasniqi e udhëhoqi në formën më të mirë.
“Kjo udhëheqje bëri që Partia Demokratike të merr numrin më të madh të ulëseve në asambletë komunale, të përformojë mirë në zgjedhjet nacionale, të përformojë mirë në kuvend dhe të ecë ballëlartë përmes proceseve të vështira politike. Edhe përballë sulmeve të prodhuara nga makinacionet e komunistave të VV-së e që për fat të keq, jo rrallë u përqafuan edhe nga një pjesë e vet elektoratit tonë, Memli Krasniqi ruajti edukatën e tij duke treguar një nivel të lartë qytetarie. Memli Krasniqi nuk ishte vetëm; as në meritë dhe as në përgjegjësi. Ai e liroi pozitën e kryetarit duke treguar karakter të fortë, dhe ky veprim e bënë atë të dalluar nga të tjerët”, ka thënë Musliu.