Kryeministri në detyrë i Kosovës, Albin Kurti, ka pritur sot në takim veprimtarin e njohur të komunitetit shqiptaro-amerikan në SHBA, Harry Bajraktari.
Gjatë takimit është diskutuar për zhvillimet e fundit në fushën e ekonomisë dhe mbrojtjes, si dhe për progresin që ka shënuar Kosova gjatë viteve të fundit.
Kurti ka theksuar arritjet kyçe në rritjen ekonomike, investimet në fushën e sigurisë dhe forcimin e institucioneve demokratike, duke riafirmuar përkushtimin e Qeverisë për të vazhduar me reformat që synojnë zhvillim dhe mirëqenie për qytetarët.
Një pjesë e veçantë e bisedës iu është kushtuar rolit të komunitetit shqiptaro-amerikan në SHBA dhe kontributit të tij në avancimin e çështjeve me interes për Kosovën.
Kurti ka vlerësuar lart angazhimin e Harry Bajraktarit dhe të komunitetit në përgjithësi në afirmimin e interesave të Kosovës dhe forcimin e partneritetit strategjik me Shtetet e Bashkuara të Amerikës.