Instituti Hidrometeorologjik i Kosovës ka njoftuar parashikimin e motit për fundjavën, duke bërë të ditur se të shtunën dhe të dielën pritet të mbajë mot kryesisht i vranët dhe me reshje shiu, ndërsa në disa zona priten edhe reshje bore.
“Të shtunën parashihet të mbajë mot kryesisht i vranët dhe me reshje shiu. Temperatura minimale do të lëvizin ndërmjet 4 deri 6 gradë Celsius, ndërsa maksimalet e ditës parashihen të lëvizin ndërmjet 9-12 gradë Celsius. Do të fryjë erë nga veriperëndimi e lehte deri mesatare”.
“Të dielën parashihet të mbajë mot i vranët dhe me reshje shiu. Për shkak të uljes së temperaturave në viset malore parashihet të bie borë. Reshjet e borës mund të përhapen edhe në disa zona mesatare. Temperaturat minimale do të lëvizin ndërmjet 0 deri 2 gradë Celsius, ndërsa maksimalet e ditës parashihen të lëvizin ndërmjet 2-5 gradë Celsius. Do të fryjë erë nga verilindja me shpejtësi 1-6m/s”, thuhet në njoftim.