Kryetari i Aleancës për Ardhmërinë e Kosovës, Ramush Haradinaj, ka ngushëlluar familjen e dëshmorit Sadri Vishaj pas ndarjes nga jeta të nënës së tij, Ajnes.
Përmes një postimi në llogarinë e tij në Facebook, Haradinaj tha se nëna Ajne ishte një grua fisnike, e cila ia fali Kosovës një nga luftëtarët më të zotë të Dukagjinit.
“Nëna Ajne ishte një grua fisnike shqiptare, që i rriti fëmijët në frymën kombëtare dhe patriotike. Ajo ia fali Kosovës djalin dëshmor, Sadri Vishaj, ndër luftëtarët më të zotë në Dukagjin”, shkroi ai.